Թուրքիան կարող է դառնալ տարածաշրջանի երկրների թշնամին. Իրաքի վարչապետ

HayNews.am. 20-4-2012- Իրաքի վարչապետ Նուրի ալ-Մալիքին հայտարարել է, որ Թուրքիան

հետզհետե դառնում է տարածաշրջանի բոլոր պետությունների թշնամին այն պատճառով, որ փորձում է միջամտել այդ երկրների ներքին գործերին: Այս մասին տեղեկացնում է Agence France-Presse-ը: «Թուրքիայի վարած ներքին և արտաքին նմանօրինակ քաղաքականությունը մեծ հարված կհասցնի հենց իրեն և տարածաշրջանի երկրների համար նրան կդարձնի թշնամի: Իր վերջին հայտարարությամբ Թայիփ Էրդողանը կրկին սկսում է միջամտել Իրաքի ներքին գործերին», - ասվում է վարչապետի հայտարարության մեջ: Հիշեցնենք, որ երեկ իրաքյան քրդերի առաջնորդներից մեկի` Մասուդ Բարզանիի հետ հանդիպման ժամանակ Թուրքիայի վարչապետ Ռեջեփ Թայիփ Էրդողանը մեղադրել է Իրաքի վարչապետ Նուրի ալ-Մալիքիին երկրում մենիշխանություն հաստատելու մեջ: