Շվեյցարիան Ադրբեջանին լավ է վերաբերվում նավթի համար. Le Temps

Tert.am. 18-4-2012- Ատոմային էներգիայից հրաժարումը Շվեյցարիային ստիպում է ընդլայնել էներգետիկ աղբյուրները: Քանի դեռ չեն գործարկվել էներգիայի էկոլոգիապես ավելի մաքուր աղբյուրներ: Շվեյցարիայի ռազմավարական նպատակը «գազային էլեկտրաէներգիայի» ստացումը կլինի. գրում է շվեյցարական Le Temps-ը: «Ադրբեջանը, որ ոչ մեծ, ավտորիտար պետություն է Կենտրոնական Ասիայում, դառնում է ավելի կարևոր խաղացող` համաշխարհային էներգետիկայի տեսանկյունից: Դա չի վրիպել մեր ղեկավարների ուշադրությունից և հենց այդ նպատակով էլ վերջին տարիներին սկսել է Ադրբեջանի հետ դիվանագիտական հարաբերություններ զարգացնել»,- գրել է սյունակագիր Ֆեդերիկո Ֆրանկինին: «Մինչև 2008 թ.-ը շվեյցարիայի նավթօգտագործող կազմակերպությունները նավթ ստանում էին Լիբիայից, սակայն երկու երկրների միջև ստեղծված ճգնաժամից հետո Շվեյցարիան ստիպված եղավ փոխել քաղաքականությունը: Դրանից հետո Էստաֆետը ստանձնեց Ադրբեջանը», - գրում է լրագրողը: Սյունակագրի խոսքերով, սակայն, դա կարող է խնդիրներ հարուցել: «Նախ, մենք էներգետիկ կախվածության մեջ ենք ընկնում ավտորիտար մի երկրից, որտեղ առկա է կոռուպցիա: Նման ռեժիմի հետ կապերի ամրապնդումը, ԵԱՀԿ կոռուպցիայի դեմ պայքարի բաժնի պատասխանատու Մարկ Պիտի խոսքերով կարող է խնդիրներ հարուցել: Եվ հետո, արդյոք ադրբեջանական գազը արդյոք ժամանակավոր անցում կլինի, թե երկար ժամանակ կփոխարինի ատոմային էներգետիկային»,- գրել է Ֆրանկինին: