Ավելի քան 50 երկրներ հաստատել են Թեհրանում կայանալիք Չմիավորման շարժման գագաթնաժողովին իրենց մասնակցությունը

Իրանական Fars News լրատվական գործակալության փոխանցմամբ՝ ներկայումս ավելի քան 50 բարձրաստիճան պատվիրակություններ հաստատել են օգոստոսի 26-31-ը Թեհրանում կայանալիք Չմիավորման շարժման 16-րդ գագաթնաժողովին իրենց մասնակցությունը: Այս մասին լրագրողների հետ զրույցում հայտարարել է Իրանի ԱԳՆ-ի պաշտոնական ներկայացուցիչ Ռամին Մեհմանպարաստը: Վերջինիս խոսքերով՝ ներկայումս ընթանում են այդ գագաթնաժողովի նախապատրաստական աշխատանքները: Մեհմանպարաստը հավելել է, որ գագաթնաժողովին մասնակցելու են տարբեր երկրների նախագահներ, փոխնախագահներ, վարչապետեր ու արտգործնախարարներ: