Թեկուզ 50 տարի անց, բայց Իրանը կվերադարձնի ԱՄՆ-ում սառեցված իր ակտիվները. գեներալ

1in.am. 29-8-20125- «Թեկուզ 50 տարի անց, բայց Իրանը կվերադարձնի ԱՄՆ-ում սառեցված իր ակտիվները, նույնիսկ եթե պահանջվի ուժ գործադրել»: Այս մասին հաղորդում է IRNA գործակալությունը` հղում անելով Իրանի ԶՈՒ փոխհրամանատար Մասուդ Ջազաիրին: «Իրանական ակտիվների սառեցումը տնտեսական ահաբեկչություն է և ազգային ունեցվածքի թալան: Ցավոք, ԱՄՆ-ը հաջողակ է ահաբեկչության այդ ոլորտում այնպես, ինչպես մյուս ոլորտներում: Եթե ԱՄՆ-ում կարծում են, թե սառեցրել են իրանցի ժողովրդի ակտիվները, ապա սխալվում են: Թող վստահ լինեն, որ մենք կվերադարձնենք դրանք»,- ասել է Ջազաիրը: Իրանի և ԱՄՆ-ի հարաբերությունները խարխլվեցին իսլամական հեղափոխությունից հետո, երբ Թեհրանում գրոհեցին ամերիկյան դեսպանատունը: ԱՄՆ-ի այդ ժամանակվա նախագահ Ջիմի Քարթերը կարգադրություն էր ստորագրել Իրանի դեմ նոր պատժամիջոցներ սահմանելու մասին: Կարգադրութունը ներառում էր նաև ԱՄՆ-ում իրանական ակտիվների սառեցում: