Շուրջ 200 թուրք մտավորականներ երկուշաբթի օրը Ինտերնետում հայտարարություն են տեղադրել, որով հայ ժողովրդից ներողություն են խնդրում Առաջին աշխարհամարտի տարիներին տեղի ունեցածի համար` դա որակելով «Մեծ աղետ»: Երեկվա դրությամբ, հայտարարությանը արդեն միացել էր 7,5 հազարից ավելի մարդ` աջակցություն հայտնելով նախաձեռնության հեղինակներին:
«Ես ներողություն եմ խնդրում» վերնագրված հայտարարությունում, որի հեղինակները խուսափել են «ցեղասպանություն» բառը գործածելուց, մասնավորապես, ասված է. - «Իմ խիղճը չի ընդունում, որ մենք անհաղորդ մնանք եւ ուրանանք Մեծ աղետը, որին Օսմանյան Թուրքիայի հայերը ենթարկվել են 1915 թվականին: Ես մերժում եմ այդ անարդարությունը, կիսում եմ հայ եղբայրներիս զգացմունքներն ու ցավը եւ ներողություն եմ խնդրում նրանցից»:
Ստամբուլյան «Մարմարա» հայալեզու օրաթերթի խմբագիր Ռոբեր Հատտեճյանը «Ազատություն» ռադիոկայանի հետ հեռախոսազրույցում փոխանցեց, որ մտավորականների այս քայլը Թուրքիայում անարձագանք չի մնացել:
«Սա Թուրքիայում առաջին անգամն է, որ բացահայտորեն նման շարժում է ստեղծվում. մենք բավական զարմացանք, որովհետեւ մեծ քաջություն է պետք Թուրքիայում նման ձեռնարկ իրականացնելու համար: Եվ զարմացած էինք, որ ժողովրդի մեջ կան պատրաստ մարդիկ, որոնք նման առիթի էին սպասում հայ ժողովրդի նկատմամբ իրենց համակրանքն արտահայտելու համար», - ասաց Հատտեճյանը:
«Այս նախաձեռնությունը որեւէ մեկի դեմ ուղղված չէ», - «Ռոյթերզ» գործակալությանը ասել է նախաձեռնության հեղինակներից մեկը` թուրք հայտնի գիտնական եւ Թուրքիայի եվրաինտեգրման կողմնակից Չենգիզ Աքթարը: - «Մենք մեր անձնական ներողությունն ենք խնդրում մեր հայ եղբայրներից ու քույրերից այն բանի համար, որ այդ հարցը գրեթե 100 տարի չի քննարկվել: Բոլոր թուրքերի պարտականությունն է մտածել եւ բարձրաձայն արտահայտվել, թե ինչո՞ւ հայերն այլեւս չեն ապրում այն տարածքներում, որտեղ ապրել են 4 հազար տարի»:
Որոշ մեկնաբանների կարծիքով` հայտարարության հեղինակները դիտավորյալ են խուսափել «ցեղասպանություն» բառից եւ իշխանություններին կոչ չեն արել ճանաչել այն, որպեսզի նախաձեռնությունը չարժանանա թուրքական կառավարության խիստ հակազդեցությանը:
Թուրք ազգայնականները քննադատել են մտավորականների նախաձեռնությունը: Երկուշաբթի օրը շուրջ վեց տասնյակ թուրք պաշտոնաթող դիվանագետներ այն որակել են «անարդար, սխալ եւ ազգային շահերին հակասող»:
Այդուհանդերձ, մտավորականների նախաձեռնության դեմ դատական գործընթաց հարուցելու հրապարակային սպառնալիք երեկվա դրությամբ չէր հնչել:
Իրինա Հովհաննիսյան, ՊրահաWednesday, December 17, 2008
Թուրք մտավորականները հրապարակավ ներողություն են խնդրում հայ ժողովրդից
Շուրջ 200 թուրք մտավորականներ երկուշաբթի օրը Ինտերնետում հայտարարություն են տեղադրել, որով հայ ժողովրդից ներողություն են խնդրում Առաջին աշխարհամարտի տարիներին տեղի ունեցածի համար` դա որակելով «Մեծ աղետ»: Երեկվա դրությամբ, հայտարարությանը արդեն միացել էր 7,5 հազարից ավելի մարդ` աջակցություն հայտնելով նախաձեռնության հեղինակներին:
«Ես ներողություն եմ խնդրում» վերնագրված հայտարարությունում, որի հեղինակները խուսափել են «ցեղասպանություն» բառը գործածելուց, մասնավորապես, ասված է. - «Իմ խիղճը չի ընդունում, որ մենք անհաղորդ մնանք եւ ուրանանք Մեծ աղետը, որին Օսմանյան Թուրքիայի հայերը ենթարկվել են 1915 թվականին: Ես մերժում եմ այդ անարդարությունը, կիսում եմ հայ եղբայրներիս զգացմունքներն ու ցավը եւ ներողություն եմ խնդրում նրանցից»:
Ստամբուլյան «Մարմարա» հայալեզու օրաթերթի խմբագիր Ռոբեր Հատտեճյանը «Ազատություն» ռադիոկայանի հետ հեռախոսազրույցում փոխանցեց, որ մտավորականների այս քայլը Թուրքիայում անարձագանք չի մնացել:
«Սա Թուրքիայում առաջին անգամն է, որ բացահայտորեն նման շարժում է ստեղծվում. մենք բավական զարմացանք, որովհետեւ մեծ քաջություն է պետք Թուրքիայում նման ձեռնարկ իրականացնելու համար: Եվ զարմացած էինք, որ ժողովրդի մեջ կան պատրաստ մարդիկ, որոնք նման առիթի էին սպասում հայ ժողովրդի նկատմամբ իրենց համակրանքն արտահայտելու համար», - ասաց Հատտեճյանը:
«Այս նախաձեռնությունը որեւէ մեկի դեմ ուղղված չէ», - «Ռոյթերզ» գործակալությանը ասել է նախաձեռնության հեղինակներից մեկը` թուրք հայտնի գիտնական եւ Թուրքիայի եվրաինտեգրման կողմնակից Չենգիզ Աքթարը: - «Մենք մեր անձնական ներողությունն ենք խնդրում մեր հայ եղբայրներից ու քույրերից այն բանի համար, որ այդ հարցը գրեթե 100 տարի չի քննարկվել: Բոլոր թուրքերի պարտականությունն է մտածել եւ բարձրաձայն արտահայտվել, թե ինչո՞ւ հայերն այլեւս չեն ապրում այն տարածքներում, որտեղ ապրել են 4 հազար տարի»:
Որոշ մեկնաբանների կարծիքով` հայտարարության հեղինակները դիտավորյալ են խուսափել «ցեղասպանություն» բառից եւ իշխանություններին կոչ չեն արել ճանաչել այն, որպեսզի նախաձեռնությունը չարժանանա թուրքական կառավարության խիստ հակազդեցությանը:
Թուրք ազգայնականները քննադատել են մտավորականների նախաձեռնությունը: Երկուշաբթի օրը շուրջ վեց տասնյակ թուրք պաշտոնաթող դիվանագետներ այն որակել են «անարդար, սխալ եւ ազգային շահերին հակասող»:
Այդուհանդերձ, մտավորականների նախաձեռնության դեմ դատական գործընթաց հարուցելու հրապարակային սպառնալիք երեկվա դրությամբ չէր հնչել:
Իրինա Հովհաննիսյան, Պրահա
Subscribe to:
Post Comments (Atom)
Tehran Time
Yerevan Time
No comments:
Post a Comment