«ԱԶԳ», 12-03-2010 - Ադրբեջանի հոգեւոր առաջնորդ Ալլահշուքյուր Փաշազադեն Apa գործակալությանը հայտնել է, որ ապրիլի 27-29 Բաքվում տեղի կունենա աշխարհի կրոնական առաջնորդների գագաթաժողով: Նրա խոսքերով, բարձր մակարդակով ընթանում են գագաթաժողովի նախապատրաստական աշխատանքները:
«Բաքու կժամանեն 150 կրոնական գործիչներ, առաջնորդներ, որոնք հսկայական աշխատանք են կատարում` իրենց շուրջը համախմբելով միլիոնավոր մարդկանց: Միայն ուղղափառ եկեղեցուց գագաթաժողովին կմասնակցի 11 պատրիարք: Գագաթաժողովին կմասնակցեն նաեւ աշխարհի բոլոր հնագույն կրոնական ուղղությունների ներկայացուցիչները: Երկօրյա սեմինարը մեծ ու նշանավոր հանդիպում կլինի հոգեւոր առաջնորդների համար», ընդգծել է նա:
Vesti.az-ը, հղում կատարելով նշյալ գործակալությանը, գրում է, որ Փաշազադեն չի բացառել գագաթաժողովին Ամենայն հայոց կաթողիկոս Գարեգին Երկրորդի մասնակցությունը: Ադրբեջանի հոգեւոր առաջնորդի խոսքերովՙ տարօրինակ ոչինչ չի պատահի, եթե Գարեգին Երկրորդը մասնակցի գագաթաժողովին:
Լրատվական կայքը տեղեկատվություն չի հաղորդում` Բաքուն հրավիրե՞լ է Հայաստանին, թե` ոչ: Հյուրընկալող երկրի ներկայացուցիչը հույս է հայտնել, որ մարտին կայանալիք հանդիպման ժամանակ Մոսկվայի եւ համայն Ռուսիո պատրիարք Կիրիլը կհրավիրի Ամենայն հայոց կաթողիկոսին Բաքու:
Դա պարզելու նպատակով երեկ երեկոյան փորձեցինք կապվել Մայր աթոռի տեղեկատվական համակարգ: Դա մեզ չհաջողվեց.
ՀԱՍՄԻԿ ՀԱՐՈՒԹՅՈՒՆՅԱՆ
Friday, March 12, 2010
Subscribe to:
Post Comments (Atom)
Tehran Time
Yerevan Time
No comments:
Post a Comment