Aysor.am. 06.04.2010- Թյուրքախոս յոթ պետությունների կողմից Բաքվում անցկացված միջոցառումն ավարտվել է «Մեկ ազգ, յոթ պետություն» խորհրդի հիմնադրմամբ: Խորհրդի նախագահ է ընտրվել Ադրբեջանի պատվիրակության ղեկավար Ազեր Հասրեթը:
Ըստ մուսավաթ.քոմ-ի, նորաստեղծ խորհրդի կենտրոնակայանը գործունեություն կծավալի Թուրքիայի Բուրսա քաղաքում գտնվող «Մեկ ազգ, յոթ պետություն» մշակույթի և համերաշխության կազմակերպության կազմում: Այն անհրաժեշտ ժամանակ յոթ թյուրքական պետությունների և այլ թյուրքական հանրությունների խնդիրների հետ կապված հավաքներ կկազմակերպի Բուրսայում գտնվող թյուրքական հանրապետությունների գլխավոր ներկայացուցչությունում:
Հավաքի մասնակիցները որոշել են ոչ մի դեպքում չվնասել թյուրքական պետությունների և կառավարությունների քաղաքական գործունեությանը, չմիջամտել թյուրքական պետություններում գործող քաղաքական կուսակցությունների և խմբերի տարաձայնություններին և գործել միայն թյուրքական պետությունների և հասարակությունների ընդհանուր շահերի համատեքստում` պետություններին ու ժողովուրդներին ավելի մոտեցնելու նպատակով:
Wednesday, April 7, 2010
Subscribe to:
Post Comments (Atom)
Tehran Time
Yerevan Time
No comments:
Post a Comment