Քաղաքագետ. «Այսօր Ադրբեջանն ի վիճակի չէ հարցը լուծելու»

7or.am. 3-5-2010- Levon Shiraniyan,Web -Հայաստանը պետք է նախապայմանների լեզվով խոսի՝ աշխարհին բացատրելով, որ ցեղասպանության ենթարկված ժողովուրդն ինքը նախապայմաններով չի խոսում ցեղասպան ժողովրդի և պետության հետ,-ասել է քաղաքագետ Լևոն Շիրինյանը։ Նա պնդել է, թե Արցախի հարցը պետք է կապել Ցեղասպանության ճանաչման հետ։ Պատասխանելով «7օր»-ի հարցին, թե հնարավո՞ր է, որ մոտ ապագայում Արցախի խնդրում տեղաշարժ լինի, Լ. Շիրինյանն ասել է. -Թուրքիան անում է այն, ինչ իրեն է պետք, մենք պետք է անենք այն, ինչ մեզ է անհրաժեշտ և շահավետ։ Վստահ եմ, որ այսօր Ադրբեջանն ի վիճակի չէ հարցը լուծելու։ Մեր պաշտպանական բնագծերն այնպիսին են, որ Ադրբեջանը պետք է բազմաթիվ գերազանցություններ առաջացնի և կարողանա դրանք հաղթահարել։ Քաղաքագետն ասել է, թե մենք մեր տեսակետը պետք է փոխենք, հայկականությունից պետք է դուրս գանք. ոչ թե իրենք պետք է սպառնան, մենք բացատրվենք, այլ Հայաստանը կոնկրետ սպառնալիքներ պետք է ստեղծի. -Եվլախի ուղղությամբ երբ սպառնալիք ստեղծվի, Ադրբեջանը նույն օրը կխեղճանա, և՝ Հորադիզի ուղղությամբ։ Լ. Շիրինյանն ասել է, թե տարածքների վերաբերյալ որևէ խոսակցություն անթույլատրելի է համարում. -Այսօր ազգային դավաճանության չափի կհասնի ինչ-որ վերադարձումների մասին խոսելը։