Գյուլը Skype-ով կշփվի թուրքերի հետ

haynews.am. 19-5-2010- Թուրքիայի նախագահ Աբդուլլահ Գյուլը պատրաստվում է բնակչության հետ հաղորդակցվել Skype-ի միջոցով: Ինչպես հայտնում է CNNTurk-ը, Թուրքիայի նախագահը նշել է, որ առաջիկա երկու շաբաթվա ընթացքում ինքը Skype-ում կունենա իր անձնական էջը, որը թույլ կտա ավելի մոտ լինել ժողովրդին: Գյուլը միաժամանակ այլ սոցիալական ցանցերի ակտիվ օգտագործող է: Վերջինս իր անձնական էջերն ունի Twitter միկրոբլոգային և Facebook սոցիալական կայքում: