Panorama.am. 9-6-2010- Իրանի նախագահ Մահմուդ Ահմադինեժադը, ով ներկայումս այցով գտնվում է Տաջիկստանի մայրաքաղաք Դուշանբեում, մեկնաբանել է ՄԱԿ-ի Անվտանգության խորհրդի կողմից ընդունված` իր երկրի նկատմամբ պատժամիջոցներ սահմանող բանաձևի ընդունումը:
Ինչպես փոխանցում է Ֆրանս Պրես (AFP) գործակալությունը, Ահմադինեժադն ասել է. «Մեր դեմ բանաձև են ընդունել, մենք այդ բանաձին վերաբերվում ենք որպես անձեռոցիկի, որով թուք ենք սրբում, իսկ օգտագործելուց հետո նետում աղբարկղը»:
Ահմադինեժադը նշել է նաև, թե իրենք սովոր են պատժամիջոցների:
«Պատժամիջոցները տեղում են մեր վրա աջից և ձախից, բայց դրանք ճանճի ազդեցություն ունեն, մենք ունենք համբերություն և կդիմակայենք», - հայտարարել է Իրանի նախագահը:
Հիշեցնենք, այսօր ՄԱԿ-ի Անվտանգության խորհուրդն ընդունեց Իրանի նկատմամբ պատժամիջոցներ սահմանող բանաձևը, որը թվով չորրորդն է Իսլամական հանրապետության նկատմամբ, վերջինիս կողմից միջուկային ծրագրի վերաբերյալ միջազգային պահանջներն անտեսելու պատճառով:
Thursday, June 10, 2010
Subscribe to:
Post Comments (Atom)
No comments:
Post a Comment