Tert.am. 17-7-2010- Աշխարհահռչակ հայազգի շանսոնյե, Շվեյցարիայում Հայաստանի դեսպան Շառլ Ազնավուրը և Իտալիայի վարչապետ Սիլվիո Բեռլուսկոնին պատրաստվում են հանդես գալ համատեղ համերգով:
Թուրքական Hurryet օրաթերթի փոխանցմամբ, առաջիկայում Ազնավուրը համերգով հանդես է գալու Միլանի Duomo տաճարի հրապարակում, որտեղ 2009թ. դեկտեմբերի 13-ին Մասիմո Տարտալիան հուշանվեր արձանիկով կոտրել էր Բեռլուսկոնիի քիթը:
Իտալիայի վարչապետը հայտարարել է, որ համերգի ժամանակ բեմ է դուրս գալու և երգելու է հանրահայտ շանսոնյեի հետ:
«Մեծ հաճույքով եմ դիտելու համերգը: Սակայն համերգի ավարտին բեմ եմ դուրս գալու և մեծ մաեստրոյի հետ երգելու եմ երկուական ֆրանսերեն և իտալերեն երգեր»,- ասել է Բեռլուսկոնին:
«Սիլվիո Բեռլուսկոնին գիտի իմ երգերը: Նրան շատ եմ հավանում որպես քաղաքական գործչի: Հիանալի համերգ է լինելու»,- հայտարարել է Շառլ Ազնավուրը:
Saturday, July 17, 2010
Subscribe to:
Post Comments (Atom)
No comments:
Post a Comment