Aysor.am. 28.07.2010- «Փոխզիջումներին բոլորս ենք կողմ, սակայն զիջումներին` ոչ: Եկեք լուծենք Արցախի անկախության կարգավիճակի հարցը, ապա` անդրադառնանք հողերի վերադարձին»: Նման դիրքորոշում հայտնեց լրագրողների հետ հանդիպաման ժամանակ ԱԺ պատգամավոր, ՀՀԿ անդամ Լեռնիկ Ալեքսանյանը:
«Մեզ համար առաջանային և սկզբունքային հարց է Արցախի անկախության լուծումը, սակայն միևնույն ժամանակ նրա անվտանգության հարցը ևս պակաս կարևոր չէ»,- ասաց Ալեքսանյանը և ավելացրեց, որ եթե Ադրբեջանը ճանաչի Արցախի անկախությունը, ապա դա արդեն իսկ փոխզիջում է:
Անդրադառնալով Հաագայի դատարանի որոշմանը` Կոսովոյի վերաբերյալ` Լեռնիկ Ալեքսանյանն ասաց, որ դա խորհրդատվան եզրակացություն է, և այն կարող է հիմք հանդիսանալ` քաղաքական դաշտից քննարկումներն իրավական դաշտ տեղափոխելու համար:
ՀՀԿ-ականը կարծում է, որ Հայաստանի կողմից ԼՂՀ անկախության ճանաչումը պետք է լինի ճիշտ ժամանակին. «Դա պետք է պահել որպես խաղաքարտ և այն ցույց տալ ճիշտ ժամանակին, ճիշտ տեղում»:
Thursday, July 29, 2010
Subscribe to:
Post Comments (Atom)
Tehran Time
Yerevan Time
No comments:
Post a Comment