Panorama.am. 17-8-2010- Հանրային խորհրդի Կրոնի, սփյուռքի և միջազգային ինտեգրման հանձնաժողովի Պատմական, ազգային արժեքների, հուշարձանների պահպանության, պատկանելության և օգտագործման խնդիրների ենթահանձնաժողովում ընդունվել է հայտարարություն, որը կոչ է անում հայերին չմասնակցել սեպտեմբրի 19-ին Աղթամարի Սուրբ Խաչ եկեղեցում մատուցվելիք պատարագին:
Ըստ հանձնաժողովի հայտարարության, իր ազգային և կրոնական արժանապատվությունը հարգող յուրաքանյուր գիտակից հայ մարդ պետք է ձեռնպահ մնա սեպտեմբերի 19-ին թուրքական շոուի էժանագին մասնակիցը լինելու գայթակղությունից, որ սեպտեմբերի 19-ին նախատեսված թուրքական հայավնաս խաղն իրականացվի առանց հայերի մասնակցության:
Հանրության լայն խավերին պետք է տեղյակ պահել և ստեղծել լայն ճակատ` «Ոչ սեպտեմբերի 19-ին» նշանաբանով:
Ազգային գրադարանի Հանրության հետ կապերի և միջոցառումների կազմակերպման բաժնի տեղեկացմամբ, նկատի ունենալով քննարկվող հարցի կարևորությունը, հետագա զարգացումների նկատառումներով, առաջիկա ժամանակահատվածում պարբերաբար պետք է անդրադառնա սեպտեմբերի 19-ի խնդրին:
Օգոստոսի 18-ին` վաղը Հայաստանի Ազգային գրադարանի նիստերի սրահում տեղի կունենա «Աղթամարի Սուրբ Խաչը` հավատի, գիտակցության, արժանապատվության քննություն» թեմայով քննարկում:
Գլխավոր բանախոս` պատմաբան Ռաֆիկ Թադևոսյան:
Քննարկմանը կմասնակցեն հանրային խորհրդի անդամներ, թարգմանիչ Ռուզան Ավագյանը, ներկայացուցիչներ բարձրագույն ուսումնական հաստատություններից, հայրենակցական միություններից: Էկրանին կցուցադրվի Վանին վերաբերող նյութեր, կներկայացվի Վանի հիմնը:
Tuesday, August 17, 2010
Subscribe to:
Post Comments (Atom)
No comments:
Post a Comment