Թե՛ ռուս–հայկական թարմացրած պայմանագիրը, թե՛ թուրք–ադրբեջանականը հուշում են, որ ԱՄՆ–ն դուրս է գալիս տարածաշրջանից։ Այսօր կայացած մամուլի ասուլիսում այսպիսի տեսակետ հայտնեց թուրքագետ Արտակ Շաքարյանը։
«ԱՄՆ–ը զորքերը հանում է Իրաքից, ինչի արդյունքում Մերձավոր Արևելքում ակտիվացել է Թուրքիան, քանի որ ստեղծվում է դատարկ տարածություն», –ասաց նա։
Բացի դրանից, փորձագետը նշեց, որ ԱՄՆ–ում «թե՛ ընդդիմությունը, թե՛ դիմությունը» շատ դժգոհ է Օբամայի արտաքին քաղաքականությունից։ Մյուս տարվանից ԱՄՆ նախագահը սկսելու է նախապատրաստվել հաջորդ ընտրություններին։
Այս ամենը, Շաքարյանի կարծիքով, բերելու է նրան, որ Օբաման փորձելու է դուրս բերել ԱՄՆ–ն տարածաշրջանից։
«Ստեղծվում է իրավիճակ, երբ ԵՄ–ն զբաղվում է տնտեսական ճգնաժամով, գլուխ չունի դնելու այս հարցերի հետ, Մինսկի խումբն արդեն այդքան ակտիվ չէ, Միացյալ Նահանգները չեն զբաղվելու այս տարածաշրջանով, ուստի գործն ընկնում է Ռուսաստանի և Թուրքիայի վրա, որոնք փորձում են վերադասավորել իրենց ուժերը»,– ասաց Շաքարյանը։
Բացի դրանից, այս բոլոր հարցերին զուգընթաց պետք է հաշվի առնել Իրանի հարցը, մասնավորապես, այն պարագայում, երբ մեկ ամսից Ռուսաստանի օգնությամբ գործարկվելու է Բուշերի ատոմակայանը։
Wednesday, August 18, 2010
Subscribe to:
Post Comments (Atom)
No comments:
Post a Comment