Բավական է հիմարացնեք մեզ, եթե մեզ չեք ուզում, այդպես էլ ասեք. ԵՄ–ն զայրացրել է Էրդողանին

Tert.am. 6-10-2010- Թուրքիայի վարչապետ Ռեջեփ Թայիփ Էրդողանն այսօր ԵՄ անդամ երկրներին կոչ է արել կողմնորոշվել իր երկրի՝ ԵՄ անդամակցության հարցում։ Այս մասին հայտնում է Корреспондент-ը։
«Եթե դուք չեք ուզում Թուրքիան, այդպես էլ ասեք, բավական է հիմարացնեք մեզ»,–ասել է Էրդողանը Ստամբուլում տեղի ունեցած միջազգային գործնական խորհրդաժողովում։ Նրա ելույթն ուղիղ եթերում ցուցադրել է թուրքական հեռուստատեսությունը։
Թուրք վարչապետը նաև ասել է, որ ԵՄ–ն առիթ է փնտրում, որպեսզի դժվարացնի Անկարայի ինտեգրման գործընթացը, մինչդեռ թուրքական իշխանությունները բազմիցս հայտարարել են, որ ԵՄ ինտեգրումը Անկարայի ռազմավարական նպատակն է։
Հիշեցնենք, որ ԵՄ–ին Թուրքիայի անդամակցության շուրջ բանակցություններն սկսել են 2005թ. հոկտեմբերին։