Tert.am. 4-11-2010- Թուրքիայի իշխանությունները ժամանակին Քրդստանի բանվորական կուսակցության (PKK) առաջանորդ Աբդուլլահ Օջալանին առաջարկել են գլխավորել երկրի կառավարությունը: CNNTurk-ի փոխանցմամբ` Դիարբեքիրի դատարանում նման ապշեցուցիչ հայտարարություն է արել քուրդ նախկին պատգամավոր Մեհմեդ Հաթիփ Դիջլեն:«1993թ. Թուրգութ Օզալը (Թուրքիայի նախկին նախագահ,- Tert.am) ինձ ուղարկեց Օջալանի մոտ` ասելով. «Գնա, Օջալանին ասա՝ գա: Եթե կարողանա ընդունելի դառնալ, կգլխավորի կառավարությունը»»,- դատարանում հայտարարել է Հաթիփ Դիջլեն:
Մեհմեդ Հաթիփ Դիջլեն մեկն է ձերբակալված այն 151 քուրդ քաղաքական գործիչներից և իրավապաշտպաններից, որոնց թուրքական իշխանությունները մեղադրում են «պետության ամբողջականությունը խաթարելու փորձի», «ահաբեկչական կազմակերպությանն անդամակցելու», «ահաբեկչական կազմակերպությանն օժանդակություն ցուցաբերելու» համար:
Tehran Time
Yerevan Time
No comments:
Post a Comment