Օսմանյան կայսրությունում եղել է ազգությամբ հայ 29 փաշա, 22 նախարար, 7 դեսպան, 11 հյուպատոս

Panorama.am. 21-2-2011- 1915 թվականի Հայոց ցեղասպանության ճանաչմանն ուղղված հայկական լոբբիի գործունությանը հակահարված տալու համար գործի է անցել Թուրքիայի արտաքին գործերի նախարարությունը:

Ինչպես հաղորդում է թուրքական «Սթար»(Star) թերթը, Թուրքիայի արտգործնախարարությունն այս հարցում միջազգային հանրությանն իր տեսակետը ներկայացնելու համար պատրաստել է հայկական զեկույց` «1915 թվականի իրադարձությունները» անվամբ: Թուրքերեն և անգլերեն լեզուներով զեկույցն ուղարկվել է բազմաթիվ հասարակական կազմակերպությունների:
Զեկույցում 1915 թվականի իրադարձությունները որակվում են որպես «ցավալի իրադարձություններ»:
«1890-1914 թթ. Օսմանյան կայսրությունում ավելի քան 40 ապստամբություն է եղել: Իսկ առաջին աշխարհամարտի տարիներին հայերը, ռուսական բանակի հետ համագործակցելով, մուսուլմանների կոտորածներ են իրականացրել` սպանելով 523 հազար 955 թուրք»,- նշված է զեկույցում:
Թուրքիայի արտաքին գործերի նախարարության պատրաստած վերոնշյալ զեկույցում ադրադարձ է կատարվել նաև Օսմանյան կասրությունում հայերի զբաղեցրած բարձր պաշտոններին: Ըստ զեկույցի` 29 հայ եղել է փաշա, որը համարվել է պետական բարձ պաշտոն, 22 հայ` արտաքին գործերի, առևտրի, ֆինանսների նախարարներ: Մեծ թվով հայեր գլխավորել են գյուղատնտեսության և տնտեսական առաջընթացի հարցերով զբաղվող պետական գրասենյակներ: 1876 թվականից հետո օսմանյան մեջլիսում 33 հայ պատգամավորներ են եղել: Արտաքին գործերի նախարարությունում պաշտոնավարել է 7 հայ դեսպան 11 հյուպատոս: Գիտության բնագավառում դասավանդել է 11 հայ պրոֆեսոր: