Սադիխով. «Հարկավոր է Իրանին ենթարկել տեղեկատվական ճնշման»

Diplomat.am. 7-2-2011- «Վաղուց էր հարկավոր հարձակողական տեղեկատվական քաղաքականություն սկսել Իրանի հասցեին», - գտնում է քաղաքագետ Ֆիկրետ Սադիխովը:

«Հարկավոր է առարկայական և փաստերով պատասխանել Իրանի կողմից յուրաքանչյուր հակաադրբեջանական հարձակմանը. կարևոր է, որպեսզի պաշտոնական Թեհրանը և իրանական հասարակայնությունը լսեն զայրույթի մեր ձայնը: Իրանում ավելի քան 30 մլն ադրբեջանցի է բնակվում, որոնք պետք է մեր աղբյուրներից տեղեկանան առ այն, թե ինչպիսի հարձակումներ է իրականացնում Իրանը Ադրբեջանի դեմ և ինչ ընթացք դա կարող է ստանալ: Ադրբեջանի գործերին Իրանի մշտական միջամտությունն արդեն իր եռման կետին է հասել և լռել չի կարելի, - ասել է քաղաքագետը:
«Հարկավոր է համակարգային զանգվածային տեղեկատվական ճնշում սկսել. բացել Իրանի տարածքում հեռարձակվող հեռուստաալիք, ռադիոկայան: ԶԼՄ-ների, ինտերնետի, սոցիալական ցանցերի, բողոքի ակցիաների անցկացման միջոցով` այդ թվում նաև Հարավային Ադրբեջանում, հարկավոր է հանրությանը հասցնել այդ հարցում Իրանի սխալ քաղաքականությունը: Ընդ որում, հատուկ շեշտադրում պետք է արվի իրանական երիտասարդության վրա, որը շատ ակտիվ է և որոնց մեծամասնությունը բացասական է տրամադրված ներկայիս իշխանությունների հանդեպ` հատկապես վերջին նախագահական ընտրություններից հետո», - եզրափակել է Սադիխովը: