Մահացել է Թուրքիայի նախկին վարչապետը

HayNews.am. 27-2-2011- Ստամբուլի հիվանդանոցներից մեկում մահացել է Թուրքիայի նախկին վարչապետ, «Բարօրություն» (Saadet) կուսակցության նախագահ Նեջմեթթին Էրբաքանը, հայտնում է Dogan գործակալությունը: Վերջինս մահացել է սրտի հետ կապված խնդիրների պատճառով:

Իսլամամետ հայացքներով հայտնի 85-ամյա Էրբաքանը Թուրքիայի վարչապետի պաշտոնը զբաղեցրել է 1996-97 թվականներին: Վերջինս Թուրքիայի Սահմանադրական դատարանի որոշմամբ հեռացվել էր իր պաշտոնից` ընդգծված իսլամամետ քաղաքականություն վարելու պատճառով:
Նշենք, որ Թուրքիայի ներկայիս նախագահ Աբդուլլահ Գյուլն ու վարչապետ Թայիփ Էրդողանը ժամանակին եղել են Էրբաքանի կուսակցության անդամներ: