Հռոմի Պապը հրեաների վրայից հանում է Հիսուսի մահվան պատասխանատվությունը

Tert.am. 3-3-2011- Հիսուս Նազովրեցի» գրքում Հռոմի Պապ Բենեդիկտ 16-րդը հրեաների վրայից հանում է Հիսուսի մահվան պատասխանատվությունը։
Ինչպես հայտնի է դարձել, Պապը երեկ հրապարակել է քաղվածքներ իր նոր «Հիսուս Նազովրեցի» գրքից, որում հրեաների վրայից հանում է մեսսիայի մահվան մեղքը։

Նրանց անմեղությունն ապացուցելու համար Պապն օգտագործում է բիբլիական տեքստերի աստվածաբանական վերլուծության մեթոդը և բացատրում, որ նախկին մեկնաբանություները, որոնց արդյունքը եղել է հակասեմականությունը և Սբ. Գրքի ժողովրդի մշտական հետապնդումները, անընդունելի են։
Չնայած Վատիկանը վերջին 5 տասնամյակներին կոչ է անում հրեաների վրա չբարդել Հիսուսի մահվան ամբողջ պատասխանատվությունը, հրեա աստվածաբանները ենթադրում են, որ ծնունդով գերմանացու գիրքը դրական դեր կխաղա դարերով եկած նախապաշարմունքների դեմ պայքարում, որն իր արտացոլումը կգտնի ժամանակակից հակասեմականության և ազգայնականության վրա։
Պապի այս գրքում պատմվում է Հիսուս Քրիստոսի կյանքի վաղ տարիների և նրա ուսմունքի մասին։ Երկրորդ մասում կնկարագրվի մեսիայի կյանքի երկրորդ մասը, նրա մահը և հարությունը։
2010թ հուլիսիսն հաղորդվում էր, որ Հռոմի Պապ Բենեդիկտ 16-րդը գրել է մանկական գիրք «Հիսուսի ընկերները», որը երեխաներին պատմում է 12 առաքյալների և սուրբ Պողոսի մասին։