«Էրգենեկոն»-ի շրջանակներում Դինքի սպանության մասին գիրք գրած թուրք լրագրողի բնակարանում խուզարկություն է կատարվել

News.am. 3-3-2011- Թուրքիայում ոստիկանությունը «Էրգենեկոն»-ի գործի շրջանակներում 16 հոգու բնակարաններում խուզարկություն է իրականացրել։

Թուրքական Milliyet-ի փոխանցմամբ՝ ոստիկանության կողմից խուզարկության ենթարկվել նաեւ Milliyet-ի թղթակից, Հրանդ Դինքի սպանության մասին գիրք գրած Նեդիմ Շեների, Oda TV լրատվական կայքի գլխավոր խմբագրի, “Էրգենեկոն»-ի գործով կասկածյալ պրոֆ. Յալչըն Քյուչուքի, Թուրքիայի ազգային հետախուզության ծառայության շխատակից Քաշըֆ Քոզինօլղլուի եւ այլոց բնակարանները։
Նշենք, որ Նեդիմ Շեների հրատարակած «Դինքի սպանությունը եւ հետախուզության ստերը» գիրքը մեծ արձագանք է գտել Թուրքիայում, որի պատճառով լրագրողի դեմ ոստիկանությունը դատական հայց էր ներկայացրել, սակայն դատարանը ի վերջո արդարացրել է նրան։