Diplomat.am. 30-3-2011- Պատասխանելով Լեռնային Ղարաբաղ այցի արդյուքների վերաբերյալ` գնահատող առաքելության զեկույցը մեկնաբանելու հարցին, Ադրբեջանում ԱՄՆ դեսպան Մեթյու Բրայզան ասել է, որ «Զեկույցն ինքնին ասում է այդ մասին: Ես կնախընտրեի չբնութագրել այն, քանի որ ԵԱՀԿ Մինսկի խմբի համանախագահներն արդեն իրենք հայտարարություն են արել»: Դեսպանը նշել է, որ ադրբեջանական կողմն ընդունել է այդ զեկույցը. «Որքան ես գիտեմ, ադրբեջանական կողմն ընդունել է այդ զեկույցը: Ես կարող եմ միայն ասել, որ համանախագահները ջանասիրաբար աշխատում են և բարձր կարգի պրոֆեսիանալիզմ են ցույց տալիս` այս հակամարտության կարգավորման համար»:
Բացի այդ, Ադրբեջանում ԱՄՆ դեսպանը կոչ է արել Ադրբեջանին և Հայաստանին՝ քննարկում անցկացնել` քաղաքացիական ավիացիայի և Ստեփանակերտում օդանավակայանի բացման շուրջ:
«Ես աջակցում եմ ԱՄՆ ղեկավարության դիրքորոշումը, որը կարծում է, որ կողմերը պետք է միասին հավաքվեն և քննարկեն այս հարցերը՝ մինչև Ստեփանակերտում օդանավակայանի բացվելը: Մենք կարծում ենք, որ մանրամասները կարող են մշակվել», - ասել է դեսպանը:
Tehran Time
Yerevan Time
No comments:
Post a Comment