«Լրագիր» 13-4-2011- Անցած տարվա հուլիսի 27-ին Տավուշի մարզի Մեհրաբներ զորամասում զինվորական ծառայության ընթացքում մահացած Արտակ Նազարյանի քրեական գործով նախաքննությունը շարունակվում է արդեն 9 ամիս: Անցած շաբաթ հայտնի դարձավ, որ նախաքննական մարմինը կալանավորել է Մեհրաբներ զորամասից ևս մեկ զինծառայողի` դասակի հրամանատար, լեյտենանտ Վահագն Հայրապետյանին, ով կասկածվում է հանցագործությանը մասնակցություն ունենալու մեջ: Նրան մեղադրանք է առաջադրվել Քրեական օրենսգրքի 38-375 հոդվածի 2-րդ մասով:
Որպես մեղադրյալ ներգրավելու որոշման մեջ նշվում է, որ 23 ամյա բարձրագույն զինվորական կրթությամբ Վահագն Հայրապետյանը Մեհրաբներ զորամասում ծառայության է նշանակվել 2010 թ. հունիսի 16-ին` Արտակ Նազարյանի մահվան դեպքից շուրջ 40 օր առաջ: Նա ևս նշանակված է եղել որպես հենակետի ավագ: Արտակ Նազարյանի ծառայության հենակետ Վահագն Հայրապետյանը եկել է գումարտակի հրամանատարի տեղակալ, կապիտան Հակոբ Մանուկյանի կանչով և վերջինիս “օժանդակելու” նպատակով “բռնություն է գործադրել” Արտակ Նազարյանի նկատմամբ` “անկանոն հարվածներ հասցնելով նրա դեմքին և մարմնի տարբեր մասերին, ինչն առաջացրել է ծանր հետևանք....”:
Հիշեցնենք, որ կատարված հանցագործությունից անմիջապես հետո կալանքի տակ են վերցվել կապիտան Հակոբ Մանուկյանն ու ևս 3 շարքային զինծառայողներ, ովքեր մեղադրվում են Արտակ Նազարյանին ինքնասպանության հասցնելու մեջ:
ՊՆ քննչական ծառայությունը պաշտպանության նախարարության գլխավորությամբ Արտակ Նազարյանի մահվան դեպքը նախ որակեց ինքնասպանություն, ապա նրան ինքնասպանության հասցնելու համար մեղադրանք առաջադրեց նույն զորամասի երեք շարքային զինծառայողների և գումարտակի հրամանատարի տեղակալ, կապիտան Հակոբ Մանուկյանին:
Դասակի հրամանատար Վահագն Հայրապետյանին առաջադրված մեղադրանքը նույնպես մտնում է ինքնասպանության հասցնելու տրամաբանության մեջ: Նախաքննական մարմինը առաջնորդվում է միայն նշված վարկածով:
Ի դեպ, որոշ տեղեկություններով, կալանավորված Վահագն Հայրապետյանը Վահան Խալաֆյանի գործով անցնող մեղադրյալ ոստիկաններից մեկի` Մորես Հայրապետյանի եղբորորդին է: Վահագն Հայրապետյանի հայրն էլ ոստիկան է:
Բանակում տարվա ընթացքում տեղի ունեցած միջադեպերի թվում անդրադարձ կա 2010 թվականի ԱՄՆ պետական դեպարտամենտի մարդու իրավունքների զեկույցում.
“Հուլիսի 27-ին Տավուշի մարզում սպա Արտակ Նազարյանի մահվան դեպքը. Պաշտոնական տեղեկությունների համաձայն, սպան ինքնասպանություն է գործել հալածանքների ենթարկվելու արդյունքում։ Արտակ Նազարյանի ազգականների համոզմամբ, նրան կամ պարտադրել են ինքնասպանություն գործել, կամ սպանել են”։
ԺԱՆՆԱ ԱԼԵՔՍԱՆՅԱՆ
Որպես մեղադրյալ ներգրավելու որոշման մեջ նշվում է, որ 23 ամյա բարձրագույն զինվորական կրթությամբ Վահագն Հայրապետյանը Մեհրաբներ զորամասում ծառայության է նշանակվել 2010 թ. հունիսի 16-ին` Արտակ Նազարյանի մահվան դեպքից շուրջ 40 օր առաջ: Նա ևս նշանակված է եղել որպես հենակետի ավագ: Արտակ Նազարյանի ծառայության հենակետ Վահագն Հայրապետյանը եկել է գումարտակի հրամանատարի տեղակալ, կապիտան Հակոբ Մանուկյանի կանչով և վերջինիս “օժանդակելու” նպատակով “բռնություն է գործադրել” Արտակ Նազարյանի նկատմամբ` “անկանոն հարվածներ հասցնելով նրա դեմքին և մարմնի տարբեր մասերին, ինչն առաջացրել է ծանր հետևանք....”:
Հիշեցնենք, որ կատարված հանցագործությունից անմիջապես հետո կալանքի տակ են վերցվել կապիտան Հակոբ Մանուկյանն ու ևս 3 շարքային զինծառայողներ, ովքեր մեղադրվում են Արտակ Նազարյանին ինքնասպանության հասցնելու մեջ:
ՊՆ քննչական ծառայությունը պաշտպանության նախարարության գլխավորությամբ Արտակ Նազարյանի մահվան դեպքը նախ որակեց ինքնասպանություն, ապա նրան ինքնասպանության հասցնելու համար մեղադրանք առաջադրեց նույն զորամասի երեք շարքային զինծառայողների և գումարտակի հրամանատարի տեղակալ, կապիտան Հակոբ Մանուկյանին:
Դասակի հրամանատար Վահագն Հայրապետյանին առաջադրված մեղադրանքը նույնպես մտնում է ինքնասպանության հասցնելու տրամաբանության մեջ: Նախաքննական մարմինը առաջնորդվում է միայն նշված վարկածով:
Ի դեպ, որոշ տեղեկություններով, կալանավորված Վահագն Հայրապետյանը Վահան Խալաֆյանի գործով անցնող մեղադրյալ ոստիկաններից մեկի` Մորես Հայրապետյանի եղբորորդին է: Վահագն Հայրապետյանի հայրն էլ ոստիկան է:
Բանակում տարվա ընթացքում տեղի ունեցած միջադեպերի թվում անդրադարձ կա 2010 թվականի ԱՄՆ պետական դեպարտամենտի մարդու իրավունքների զեկույցում.
“Հուլիսի 27-ին Տավուշի մարզում սպա Արտակ Նազարյանի մահվան դեպքը. Պաշտոնական տեղեկությունների համաձայն, սպան ինքնասպանություն է գործել հալածանքների ենթարկվելու արդյունքում։ Արտակ Նազարյանի ազգականների համոզմամբ, նրան կամ պարտադրել են ինքնասպանություն գործել, կամ սպանել են”։
ԺԱՆՆԱ ԱԼԵՔՍԱՆՅԱՆ
No comments:
Post a Comment