Eurasianet.org կայքի հոդվածագիր Ջոշուա Կուցերան (Joshua Kucera) գրում է, որ ռուս բարձրաստիճան գեներալներից մեկը՝ Անդրեյ Տրետյակը, որը ՌԴ ՊՆ օպերատիվ շտաբի պետն է, ռազմական փորձագետների հետ քննարկել է Ղարաբաղի շուրջ հնարավոր զարգացումները և Ռուսաստանի պլանները: Ըստ հոդվածագրի՝ բավական իրատեսական է թվում, որ Ղարաբաղում պատերազմի դեպքում Ռուսաստանը միջամտի հօգուտ Հայաստանի:Գեներալը չի համաձայնել քննարկման մասնակիցներից մեկի դիտարկմանը, որ Ռուսաստանի հարաբերությունները Հայաստանի հետ ժանգոտում են և հստակ հայտարարել է, որ Ռուսաստանը կկատարի իր խոստումներն այդ երկրի նկատմամբ:
Ղարաբաղի վերաբերյալ մի քննարկման ժամանակ գեներալ Տրետյակը համաձայնել է քննարկման մասնակիցներից մեկի դիտարկմանը, որ այս տարածաշրջանում պատերազմի վերսկսման վտանգը մեծ է, սակայն նշել է, որ այն գնալով նվազում է Ռուսաստանի ջանքերի շնորհիվ:
Խոսելով այն մասին, որ Ռուսաստանը չմիջամտեց Ղրղըզստանի կոնֆլիկտին և դա փորձություն էր Հավաքական անվտանգության պայմանագրի կազմակերպության (ՀԱՊԿ) համար, Տրետյակն ասել է, որ դա բոլորովին այլ իրադրություն էր: Գեներալը նշել է, որ Աֆղանստանից ամերիկյան զորքերի հեռացումից հետո անվտանգության վակուում կառաջանա Կենտրոնական Ասիայում, և ՀԱՊԿ երկրները կարող են լրացնել այն:
Tehran Time
Yerevan Time
No comments:
Post a Comment