Առանց բեկման. Կազանում ընդունվեց համատեղ հայտարարություն

 Կազանում երեկ կայացած Հայաստանի, Ադրբեջանի և Ռուսաստանի նախագահների հանդիպման արդյունքում ընդունվել է համատեղ հայտարարություն։

Հայտարարությունում, մասնավորապես, ասվում է.

«Երկրների ղեկավարները հաստատել են մի շարք հարցերի շուրջ փոխըմբռնման ձեռք բերումը, որոնց լուծումը նպաստում է հիմնարար սկզբունքներն ընդունելու համար անհրաժեշտ պայմանների ստեղծմանը։
Հայաստանի և Ադրբեջանի նախագահներն իրենց երախտագիտությունն են հայտնել ԵԱՀԿ Մինսկի խմբի համանախագահող երկրներ ՌԴ, ԱՄՆ և Ֆրանսիայի առաջնորդներին՝ ԼՂ խնդրի կարգավորման նկատմամբ նրանց մշտական ուշադրության համար և բարձր են գնահատել Ռուսաստանի նախագահի անձնական ջանքերը համաձայնության հասնելու ուղղությամբ»։
Հիշեցնենք, որ կազանյան հանդիպումը սկսվեց նախատեսվածից 10 րոպե ուշացումով՝ Երևանի ժամանակով 17։40-ին և տևեց ավելի քան 3 ժամ։ Հանդիպմանը նախագահներից բացի մասնակցում էին երեք երկրների արտգործնախարարները։