Թուրք փոխվարչապետի զավեշտալի խորհուրդը. կարդացեք միայն Zaman

News.am. 6-6-2011- Թուրքիայի փոխվարչապետ, մամուլի գծով պատասխանատու պետնախարար Բյուլենթ Առընչը այնպիսի խորհուրդ է տվել, որ Թուրքիայում ապշել են։

Թուրքական Internethaber-ի փոխանցմամբ՝ Բյուլենթ Առընչը Բուսայում Ուլուդաղի համալսարանի ուսանողների հետ հանդիպման ժամանակ նշել է. «Թուրքիայում այնպիսի մի թերթ կա, որ ամեն ինչ նրա մեջ է։ Եթե Zaman թերթին հետեւեք, ամեն ինչ ավելի հասկանալի կլինի։
Հարգելի եղբայրներ, նախ այդ թերթը կարդացեք, եթե կարիք կունենաք, նոր ուրիշ թերթեր կարդացեք»,-ասել է Բյուլենթ Առընչը։
Թուրքիայում զարմացած են այն հանգամանքով, որ պաշտոնի բերումով մամուլի ազատության պատասխանատուն կողմնակալ հայտարարություն է անում՝ խախտելով նույնիսկ տարրական կանոնները։