Tert.am. 7-7-2011-Անկարայի կողմից Լիբիայի անցումային կառավարության ուշացած ճանաչումը, ինչպես նաև սիրիական ճգնաժամի առնչությամբ նրա պասիվ գործելաոճը նվազեցնելու են Թուրքիայի հեղինակությունն ու զրկելու են նրան տարածաշրջանային առաջնորդի կարգավիճակից։ Այս մասին Trend–ին ասել է արաբ քաղաքագետ Իսմայիլ Յաշան։«Տարածաշրջանային գործընթացներում կարևոր դերակատարություն ունեցող Թուրքիան վերջին շրջանում որդեգրել է իրադարձություններին չմիջամտելու քաղաքականություն։ Դա կարող է նվազեցնել նրա ազդեցությունը տարածաշրջանում»,– ասել է արաբ փորձագետը։
Փորձագետի նշում է, որ վերջին շրջանում Թուրքիայի քաղաքականությունում նկատվում է որոշակի կախվածություն Մերձավոր Արևելքի երկրների առնչությամբ Արևմուտքի կայացրած որոշումներից։ Ըստ փորձագետի՝ Անկարան, ով նախկինում հանդես էր գալիս որպես տարածաշրջանային խնդիրների գլխավոր նախաձեռնող, այժմ իր բոլոր որոշումները կայացնում է Արևմուտքի հավանությունը ստանալուց հետո։
«Եթե Թուրքիան Սիրայի հարցում թույլ տա այն նույն սխալնները, որն արեց Լիբիայի դեպքում, դա բացասաբար կազդի Անկարայի հեղինակության վրա մերձավորարևելյան երկրների շրջանում»,– ասել է Իսմայիլ Յաշան։
Tehran Time
Yerevan Time
No comments:
Post a Comment