Tert.am. 25-10-2011- «Մոսկովսկիե նովոստի» պարբերականն անդրադարձել է երեկ պետական այցով Ռուսաստանում գտնվող Հայաստանի նախագահ Սերժ Սարգսյանի և ՌԴ նախգահ Դմիտրի Մեդվեդևի՝ Թուրքիայի նախագահ Աբդուլլահ Գյուլի հետ ունեցած հեռախոսազրույցին, որի ժամանակ առաջնորդները Վանում տեղի ունեցած ավերիչ երկրաշարժի առնչությամբ իրենց ցավակցությունն էին հայտնել Գյուլին։«Հեռախոսազրույցի ընթացքում Հայաստանի նախագահը հաստատել է իր երկրի պատրաստակամությունը հարևանին անհրաժեշտ օգնություն տրամադրելու հարցում։ Հայաստանը և Թուրքիան բոյկոտում են միմյանց 1990-ականների սկզբից՝ Հայաստանը՝ Թուրքիայի կողմից Հայոց ցեղասպանությունը չճանաչելու, իսկ Թուրքիան՝ ղարաբաղյան հարցում Ադրբեջանի հետ համերաշխության պատճառով»,– գրում է «Նեզավիսիմայա գազետան», որի հետ զրույցում Հայաստանից անանուն զրուցակիցներն ասել են. «Սերժ Սարգսյանի մոսկովյան այցը հաջորդեց Ֆրանսիայի նախագահ Նիկոլա Սարկոզիի՝ հոկտեմբերի սկզբին Երևան կատարած այցելությանը։ Սարկոզին, որը ձգտում է նախագահական ընտրություններից առաջ շահել ֆրանսահայ համայնքի համակրանքը, Երևանում հայտարարեց Հայաստանին աջակցելու մասին, հիշեց Հայոց ցեղասպանությունն ու հասկացրեց, որ Փարիզը կշարունակի դեմ հանդես գալ Թուրքիայի՝ ԵՄ անդամակցության ձգտումներին։ Սերժ Սարգսյանի մոսկովյան ժեստը Անկարային կարելի է բնութագրել որպես Սարկոզիի հակաթուրքական հռետորաբանությունը հավասարակշռելու փորձ»։
Tehran Time
Yerevan Time
No comments:
Post a Comment