Panorama.am. 28-11-2011- Ղարաբաղյան հիմնախնդիրը հայ ու ադրբեջանցի ժողովուրդների ուսերին բեռ է դարձել, այդ իսկ պատճառով խաղաղ ճանապարհով խնդրի կարգավորման բանակցությունները պետք է շարունակվեն ինչպես կրոնական, այնպես էլ միջազգային մակարդակներում: Այս մասին հայտարարեց Կովկասի մահմեդականների վարչության նախագահ Շեյխ-Ուլ-Իսլամ Ալլահշուքյուր Փաշա Զադեն, ով մասնակցում է Երևանում ընթացող ԱՊՀ Միջկրոնական խորհրդի նախագահության նիստին:«Հոգևոր գործիչները պետք է բոլոր անհրաժեշտ միջոցները ձեռնարկեն խնդրի խաղաղ կարգավորման համար: Մենք պետք է հասնենք խնդրի խաղաղ ու արդարացի լուծմանը միջազգային իրավունքի շրջանակում»,-ընդգծեց նա:
«Մենք աջակցում ենք ԵԱՀԿ Մինսկի խմբին, ինչպես նաև երկրների նախագահների գործադրած ջանքերին, որոնք աշխատանքներ են տանում հակամարտության խաղաղ կարգավորման ուղղությամբ»,- ասաց Կովկասի մահմեդականների վարչության նախագահն, ապա նշեց, որ ցավում է, որ ԵԱՀԿ Մինսկի խումբը որևէ արդյունքի չի հասել հակամարտության կարգավորման գործում:
Tehran Time
Yerevan Time
No comments:
Post a Comment