«Եվրատեսիլի» թանգարան՝ Բաքվում

Tert.am. 30-1-2012- Ադրբեջանի մայրաքաղաք Բաքուն պատրաստվում է «Եվրատեսիլ 2012» երգի միջազգային մրցույթին։ Ինչպես հաղորդում է ադրբեջանական Trend.az կայքը, Բաքվում մինչև փետրվարի 15–ը «Եվրատեսիլ» անվամբ թանգարան է բացվելու։ Թանգարանը գործելու է Բաքվի բիզնես կենտրոնում՝ «Եվրատեսիլ» կենտրոնին կից։ Դրանում ներկայացվելու են մրցույթի 57–ամյա պատմությանն առնչվող նմուշներ։ «Եվրատեսիլ 2012» մրցույթի կիսաեզրափիկիչ փուլը տեղի կունենա մայիսի 22–ին և 24–ին, իսկ եզրափակիչ փուլը՝ մայիսի 26–ին։ Գերմանիայում անցկացված «Եվրատեսիլ 2011» մրցույթում հաղթող ճանաչվեցին Ադրբեջանը ներկայացնող Նիգյար Ջեմալն ու Էլդար Գասիմովը։ Մրցույթի կանոնների համաձայն՝ հաղթող երկիրը դառնում է հաջորդ տարվա հյուրընկալող երկիր: Օրեր առաջ մրցույթին մասնակցելու հայտ ներկայացրեց նաև Հայաստանը։