Tert.am. 16-1-2012- Արտագաղթը Հայաստանի և հայերիս համար տնտեսական, իրավական և մշակութային ուղղվածության խնդիր լինելուց բացի , ունի նաև էթնիկ նշանակություն: Այս մասին այսօր լրագրողների հետ հանդիպմանը ասաց ազգագրագետ Աղասի Թադևոսյանը:
«Անգամ եթե Հայաստանը գտնվեր զարգացման մեկ այլ աստիճանում և ավելի գրավիչ լինելով պակաս զարգացած երկրների համար` ունենար ներգաղթ մենք նորից ծանր կտանեինք արտագաղթը , քանի ինքնապահպանման խնդիր ունեցող հայերիս համար այն էթնիկ հարթության նշանակություն ունի»:
Ժողովրդագիր Ռուբեն Եգանյանի խոսքերով` արտագաղթը ՀՀ իշխանությունների վարած քաղաքականության բնական արգասիքն է:
«Այն ինչ որ եղավ Հայաստանի հետ վերջին քսան տարիների ընթացքում, դժվար է համարել կառուցողական: Ներկա պայմանները թույլ են տալիս մարդկանց միայն գոյատևել»,-ասաց Եգանյանը: Ըստ նրա` այսօր Հայաստանից հիմնականում արտագաղթում են ակտիվ աշխատանքային վերարտադրման տարիքի մարդիկ, որոնց մեծ մասը տղամարդիկ են:
«Առևտրով զբաղվող մեր օլիգարխները շատ վատ վիճակում կհայտնվեն, երբ Հայաստանից հեռացածները այլևս գումար չուղարկեն: Այդ վատ վիճակը անմիջապես զգացվեց տնտեսական ճգնաժամի առաջին ալիքի ժամանակ»,-լրացրեց Աղասի Թադևոսյանը:
Ռուբեն Եգայանը հավաստիացրեց, որ նույնիսկ Մերձավոր Արևելքում պատերազմական սցենարների դեպքում սփյուռքահայերի շատ քիչ մասը կներգաղթի Հայաստան, ինչպես դա եղավ Իրաքի օրինակով:
«Սարդարապատ» շարժման նախաձեռնող խմբի անդամ Ժիրայր Սեյֆիլյանը, Tert.am-ին տեղեկացրեց որ Իրաքից Հայաստան ներգաղթած շուրջ 4000 հայերից ներկայումս Հայաստանում մնացել է 400-ը: Նրանց հիմնական մասն ըստ Ժիրայր Սեյֆիլյանի` Հայաստանից կրկին արտագաղթել է ԱՄՆ և եվրոպական երկրներ:
Monday, January 16, 2012
Subscribe to:
Post Comments (Atom)
No comments:
Post a Comment