ԱՆԿԱՐԱ, 3 ԱՊՐԻԼԻ, ՀԱՅԵՐՆ ԱՅՍՕՐ: Թուրքիայի Ազգային մեծ ժողովի մարդու իրավունքների հարցերով հանձնաժողովի որոշմամբ «Ակօս» շաբաթաթերթի խմբագրապետ Հրանտ Դինքի սպանության գործի ուսումնասիրման նպատակով ստեղծված խորհրդարանական ենթահանձնաժողովին չի հաջողվել լսել Տրապիզոնի ժանդարմերիայի ներկայիս եւ նախկին հինգ աշխատակիցներին, այդ թվում` ժանդարմերիայի նախկին հրամանատար Ալի Օզին:Ինչպես հաղորդում են թուրքական լրատվամիջոցները, հակառակ ենթահանձնաժողովի` ժանդարմերիայի աշխատակիցների վկայությունները լսելու պահանջին, վերջիններս ուղղակի չեն ներկայացել:
Հիշեցնենք, որ մարտի 20-ին Տրապիզոնի դատարանում տեղի էր ունեցել Հրանտ Դինքի սպանության գործի առնչությամբ իրենց պարտականությունների մեջ թերանալու մեղադրանքով դատարանի առջեւ կանգնած նահանգի ժանդարմերիայի երկու աշխատակիցների` Օքան Շիմշեքի եւ Վեյսալ Շահինի գործի հերթական դատալսումը, որի ընթացքում վերջիններս հանդես էին եկել աղմկահարույց վկայություններով: Նրանք հայտարարել էին, որ Հրանտ Դինքի սպանության նախապատրաստման մասին կանխավ տեղեկացված են եղել Տրապիզոնի ժանդարմերիայի 10 աշխատակիցներ, այդ թվում ժանդարմերիայի նախկին հրամանատար գնդապետ Ալի Օզը:
Tehran Time
Yerevan Time
No comments:
Post a Comment