Թուրքիայի պատմական ընկերության նախագահ, Թուրքիայում Հայոց ցեղասպանության «ժխտման» պաշտոնական տեսակետի ջատագով Յուսուֆ Խալաչօղլուն հայտարարել է, որ թուրքական եւ ամերիկյան արխիվներում, ինչպես նաեւ Բոստոնում, Երեւանում եւ Երուսաղեմի հայկական պատրիարքարանի «փակ» արխիվներում փաստաթղթեր կան, որոնց համաձայն, «1915 թ-ին Անատոլիայում իրագործված հայերի գաղթի ժամանակ մոտ 90-95 հազար հայեր մահմեդականանալու արդյունքում մնացել են այնտեղ»:«Լոզանի համաձայնագրով փոքրամասնության կարգավիճակ ունեցող Թուրքիայի Հանրապետության 60 հազար հայ քաղաքացիների հետ ներկայումս մոտ 500 հազար հայեր են բնակվում Անատոլիայում: Թուրքական արխիվներում եղած գրանցումների համաձայն, 1915 թ-ի գաղթի ժամանակ մոտ 90-95 հազար հայ երեխաներ եւ կանայք պահպանվել են մահմեդական ընտանիքների կողմից եւ ժամանակի ընթացքում մահմեդականացել: Նրանք փոխել են հայկական անունները` թուրքականով: Հրանտ Դինքն ու իր ընտանիքն էլ են այդ խմբից: Նրանք 70-ականներից նորից փոխել են անունները եւ սկսել հայեցի անուններ կրել: Անատոլիայում յուրաքանչյուրը գիտի` ում հայ լինելը: Հրանտ Դինքը նույնպես խոսում էր նրանց թվաքանակը 500 հազարին մոտ լինելու մասին: Այդ մասին են վկայում նաեւ ամերիկյան արխիվների ուսումնասիրությունը: Ենթադրվում է, որ այդ մասին տեղեկություններ կան նաեւ հայկական փակ արխիվներում», -ասել է թուրք գլխավոր պատմաբանը:
Tehran Time
Yerevan Time
No comments:
Post a Comment