Sunday, June 22, 2008

ԱՄՆ-Ի ՊԵՏՔԱՐՏՈՒՂԱՐԻ ՏԵՂԱԿԱԼ. ՀԱՅԱՍՏԱՆԸ ՊԵՏՔ Է ՀԱՅՏԱՐԱՐԻ, ՈՐ ՈՐԵՎԷ ՊԱՀԱՆՋ ՉՈՒՆԻ ԹՈՒՐՔԻԱՅԻ ՏԱՐԱԾՔՆԵՐԻ ՆԿԱՏՄԱՄԲ

ՎԱՇԻՆԳՏՈՆ, 19 ՀՈՒՆԻՍԻ, ՆՈՅՅԱՆ ՏԱՊԱՆ: Հայաստանը պետք է հայտարարի, որ որեւէ պահանջ չունի ժամանակակից Թուրքիայի հողերի նկատմամբ: Այս մասին, ինչպես հաղորդում են թուրքական աղբյուրները, ԱՄՆ Կոնգրեսի Ներկայացուցիչների պալատի Արտաքին հարաբերությունների հանձնաժողովում կազմակերպված լսումների ժամանակ հայտարարել է ԱՄՆ-ի պետքարտուղարի Եվրոպայի եւ Եվրասիայի հարցերով տեղակալ Դենիել Ֆրիդը:Խոսելով հայ-թուրքական հարաբերությունների մասին, Ֆրիդը նշել է, որ իրենք կողմնակից են, որպեսզի լուծվեն Թուրքիայի եւ Հայաստանի միջեւ առկա խնդիրները. «Հայաստանի իշխանությունները Թուրքիայի ջանքերին պետք է պատասխանեն կառուցողականորեն: Եվ Հայաստանը պետք է հայտարարի, որ որեւէ պահանջ չունի ժամանակակից Թուրքիայի հողերի նկատմամբ»,- ընդգծել է Ֆրիդը:Անդրադառնալով Հայոց ցեղասպանության փաստին` ԱՄՆ-ի պետքարտուղարի տեղակալը նշել է, որ Թուրքիան պետք է հաշվի նստի իր պատմության հետ. «Անհրաժեշտ է, որպեսզի Թուրքիան հաշվի նստի իր պատմության մութ էջերի հետ, սակայն դա հեշտ չի լինի»,- հայտարարել է Դենիել Ֆրիդը:
ارسال شده توسط Arax در 4:52 PM

No comments:

Post a Comment

Subscribe to: Post Comments (Atom)