ՀՀ նախագահի մամուլի քարտուղարը ոչ հաստատեց և ոչ էլ հերքեց Շվեյցարիայում Հայաստանի դեսպանի պաշտոնում Շարլ Ազնավուրի հնարավոր նշանակման մասին տեղեկատվու

hayInfo. 23-1-2009- ՀՀ նախագահի մամուլի քարտուղար Սամվել Ֆարմանյանը ոչ հաստատեց և ոչ էլ հերքեց Շվեյցարիայում Հայաստանի դեսպանի պաշտոնում ֆրանսիացի հանրահայտ երգիչ Շարլ Ազնավուրի հնարավոր նշանակման մասին տեղեկատվությունը։ Այդ մասին հաղորդում է Նովոստի-Արմենիան Երգչի մենեջեր Լևոն Սայանը Կաննում մամուլի ասուլիսի ժամանակ, որտեղ անցկացվում էր MIDEM միջազգային երաժշտական տոնավաճառի 43-րդ ցուցահանդեսը, հայտարարել էր, որ աշխարհահռչակ երգիչ Շարլ Ազնավուրը հնարավոր է նշանակվի Շվեյցարիայում Հայաստանի դեսպան։ «ՀՀ դեսպանները նշանակվում են նախագահի հրամանագրով, բայց մինչ այդ անհրաժեշտ է մի շարք ընթացակարգեր իրականացնել, մասնավորապես, ստանալ նշանակվող անձի մասին մյուս երկրի թույլտվությունը»,- ուրբաթ ասաց Ֆարմանյանը «Նովոստի-Արմենիա» գործակալությանը։ ԸՆդ որում նա նշեց, որ Շարլ Ազնավուրը 1995 թ.-ից ՀՀ դեսպանն է ՅՈՒՆԵՍԿՕ-ում, որտեղ և ներկայացնում է մեր երկիրը։ Ֆարմանյանը կարծում է, որ Շարլ Ազնավուրի նման մարդը, լինելով իր ժողովրդի ականավոր զավակը, լիովին կկարողանար ներկայացնել Հայաստանը ոչ միայն Շվեյցարիայում կամ Ֆրանսիայում, այլև ամբողջ աշխարհում։ Հ. Ծ.