«ԶՎԱՐԹՆՈՑՈՒՄ» ԱՅՍ ՏԱՐԻ ԻՐԱԿԱՆԱՑՎԵԼ Է 1016 ԹՌԻՉՔ-ՎԱՅՐԷՋՔ

«ԱԶԳ» 13-3-2009- «Զվարթնոց» օդանավակայանն այս տարվա առաջին 2 ամիսներին իրականացրել է 1016 թռիչք-վայրէջք` նախորդ տարվա նույն ժամանակահատվածի 1203-ի փոխարեն: Ինչպես «Արմենպրեսին» տեղեկացրին կառավարությանն առընթեր քաղաքացիական ավիացիայի գլխավոր վարչությունից, նույն ժամանակահատվածում օդանավակայանով հանրապետություն է ժամանել 74 հազ. 575, մեկնել` 86 հազ. 401 ուղեւոր: Այս տարվա հունվար-փետրվարին օդանավակայանով ընդհանուր ուղեւորափոխադրումները կազմել են 160 հազ. 976` նախորդ տարվա նույն ժամանակահատվածի 170 հազ. 468-ի փոխարեն: Վերոնշյալ ժամանակահատվածում Գյումրիի «Շիրակ» օդանավակայանն իրականացրել է 27 թռիչք-վայրէջք` նախորդ տարվա նույն ժամանակահատվածի 23-ի փոխարեն: Օդանավակայանով հանրապետություն է ժամանել 1131, մեկնել` 1743 մարդ: