Հիլարի Քլինթոնը կարող է Ցյուրիխ ժամանել հայ-թուրքական Արձանագրությունների ստորագրմա՞նը

/PanARMENIAN.Net/ 28.09.2009 - Հոկտեմբերի 10-ին Ցյուրիխում հայ-թուրքական Արձանագրությունների ստորագրման արարողությանը հնարավոր է ԱՄՆ Պետքարտուղար Հիլարի Քլինթոնի ներկայությունը: Ինչպես գրում է NZZ Online գերմանական հրատարակությունը, ԱՄՆ հատուկ ծառայություններն արդեն համար են պատվիրել հյուրանոցում: Լուսաբանողների կարծիքով, հայ-թուրքական Արձանագրությունների ստորագրմանն իր ներկայությամբ Քլինթոնը ցանկանում է ցույց տալ ԱՄՆ շահագրգռվածությունը հայ-թուրքական հարաբերությունների կարգավորման գործում: «Այդ շահագրգռվածությունը հիմնականում բացատրվում է Կովկասի տարածաշրջանում առկա նավթի եւ գազի մեծ պաշարներով: Շվեյցարիայի միջնորդությունը արտոնագրված էր ԱՄՆ կողմից»,- ասել է Բեռնում ԱՄՆ նորանշանակ դեսպանը: Հրատարակությունը նաեւ նշում է, որ ԱՄՆ Պետքարտուղարի մասնակցությունն արարողությանը «դեռեւս հաստատված չէ»: Արարողությանը ներկա կլինի նաեւ Շվեյցարիայի ԱԳՆ ղեկավար Միշել Կալմի-Ռեյը: