Թուրքիա – Հայաստան հանդիպումները կդատեն...

Tert.am. 29-9-2009- 2010թ. Աշխարհի գավաթի Թուրքիա-Հայաստան հանդիպումը կսպասարկի Շվեդիայի մրցավարական անձնակազմը` Մարտին Հանսոնի գլխավորությամբ: Նրան կօգնեն Հենրիկ Անդրենը և Ստեֆան Վիտբերգը: 4-րդ պաշտոնյա է նշանակվել Մարտին Ինգվարսոնը: Այս մասին հաղորդում է Հայաստանի ֆուտբոլի ֆեդերացիայի պաշտոնական կայքէջը։ Հիշեցնենք, որ Թուրքիա-Հայաստան հանդիպումը տեղի կունենա հոկտեմբերի 14-ին, Բուրսա քաղաքաի «Աթաթուրք» մարզդաշտում, ժամը 23:00-ին: Այսօր հայտնի է դարձել նաև Թուրքիա-Հայաստան երիտասարդական հավաքականների հանդիպման մրցավարական անձնակազմը: Մրցավար է նշանակվել Ալեքսանդրու Դեակոնուն, մրցավարի օգնականները կլինեն Էդուարդ Դումտիտրեսկուն ու Սեբաստիան Գեորգեն, 4-րդ պաշտոնյան է Սեբաստիան Կոլտեսկուն: Թուրքիա-Հայաստան երիտասարդական հավաքականների հանդիպումը տեղի կունենա Էսկիշեհիր քաղաքի «Աթաթուրք» մարզդաշտում, ժամը 21:00-ին: