Հիլարի Քլինթոնն ավելի մեծ հեղինակություն է վայելում, քան Բարաք Օբաման

Tert.am- 17-10-2009- Միացյալ Նահանգներում ԱՄՆ պետքարտուղար Հիլարի Քլինթոնը ավելի մեծ հեղինակություն է վայելում, քան նախագահ Բարաք Օբաման։ Այդ մասին վկայում են CNN հեռուստաընկերության պատվերով Gallup ծառայության կողմից անցկացված հարցման արդյունքները։ Երեք օր տևած հասարակական հարցումներին մասնակցել է 1013 չափահաս ամերիկացի։ Ըստ սոցիոլոգների տվյալների՝ Քլինթոնին դրական է վերաբերվում ամերիկացիների 62%-ը։ Սպիտակ տան ղեկավարի վարկանիշը այժմ 6%-ով նվազել է՝ Օբամայի հեղինակությունը կազմում է 56%։ Հատկանշական է, որ ընթացիկ տարվա հունվար ամսից Բարաք Օբամայի հեղինակությունը Միացյալ Նահանգներում նվազել է 22%-ով, մինչդեռ Հիլարի Քլինթոնը կորցրել է ընդամենը 3%։