Եվրոպական դատարանը վճիռ է կայացրել Թուրքիայի դեմ

News.am 10-12-2009- Մարդու իրավունքների Եվրոպական դատարանը դեկտեմբերի 10-ին վճիռ է կայացրել ընդդեմ Թուրքիայի, որով պետությունը պարտավորվում է 36,5 հազար եվրո տուգանք վճարել ամուսնու կողմից բռնությունների ենթարկված մի թրքուհու։ «Ազատություն» ռադիոկայանի փոխանցմամբ՝ Նախիդե Օպուզը իր հայցը Եվրադատարան է ներկայացրել 2002թ.։ Հայցում նա նշել էր, որ թուրքական իշխանությունները համապատասխան միջոցներ չեն ձեռնարկել նախկին ամուսնու կողմից իր նկատմամբ իրականացված բռնության դեպքերը կանխելու համար եւ պահանջել էր քննություն անցկացնել Թուրքիայում կանանց իրավունքների պաշտպանության հարցում խտրական վերաբերմունքի դրսեւորման փաստերի շուրջ։