Ադրբեջանի այսօրվա նախագահը ահաբեկիչ է, նա ահաբեկում է սեփական ժողովրդին. Դեմոյան

Panorama.amղ 13-1-2010- Գիտության մեջ շրջանառվող «պետական ահաբեկչություն» եզրույթը հետաքրքրել է Հայոց ցեղասպանություն թանգարան-ինստուտի տնօրեն, պատմաբան Հայկ Դեմոյանին և տեսական ուսումնասիրության ընթացքում պարզել, որ այդ եզրույթի փայլուն օրինակ է Ադրբեջանը: Panorama.am-ի թղթակցի հետ զրույցում նա մատնանշեց ահաբեկչության ամենատարածված տեսակները` անհատական, խմբային, միջազգային և հավելեց. «Բայց սա արտասովոր է այն պատճառով, որ գործ ունենք պետություն ահաբեկչի հետ, որը ահաբեկում է ոչ միայն ազգային փոքրամասնություններին, այլ նաև` սեփական ժողովրդին»: Որպես ասվածի վառ ապացույց, Դեմոյանը նշեց Ադրբեջանի նախագահի մշտապես հնչող հայտարարությունները պատերազմ սկսելու մասին: «Ադրբեջանի այսօրվա նախագահը ահաբեկիչ է, այն պատճառով, որ ահաբեկում է սեփական ժողովրդին: Խոսքը հոգեբանական ահաբեկչության մասին է: Այսինքն` եթե մի երկրի նախագահն անընդհատ խոսում է պատերազմ սկսելու մասին, չպետք է կարծել, որ այդ երկրի բնակիչների գոնե մեծ մասը այդ պատերազմին կողմ է: Որովհետև նորմալ մարդը սովորաբար պատերազմին դեմ է: Հետևաբար, Իլհամ Ալիևը ահաբեկում է սեփական ժողովրդին` պատերազմ հրահրելով», -եզրափակեց Դեմոյանը: