Panorama.am. 28-4-2010- Թուրքիայի արտգործնախարար Ահմեթ Դավութօղլուի հրավերով Անկարա ժամանած Նախիջևանի Ինքնավար Հանրապետության խորհրդարանի նախագահ Վասիֆ Թալիբովը պաշտոնական հանդիպում է ունենալու Թուրքիայի նախագահ Աբդուլլահ Գյուլի, պետնախարար Հայաթի Յազըջի, Գլխավոր շտաբի պետի` բանակի գեներալ Իլքեր Բաշբուղի հետ: Տեղեկանում ենք թուրքական «Սամանյոլու» լրատվական կայքից:
Նախատեսված է ադրբեջանցի բարձրաստիճան պաշտոնյայի հանդիպումը նաև Թուրքիայի Հանրապետության 9-րդ նախագահ Սուլեյման Դեմիրելի հետ:
Ըստ աղբյուրի, Թուրքիայի արտգործնախարարության` Թալիբովի այցի մասին իրազեկող հաղորդագրությունում նշված է, որ Ադրբեջանի հետ սահման չունեցող Նախիջևանի Ինքնավար Հանրապետությունը դեմ հանդիման է մնացել Հայաստանի Հանրապետությունից եկող անվտանգության սպառնալիքներին:
«Այդ վտանգը չեզոքացնելու գործում մեր երկրների հարաբերություններում կարևոր բաղադրիչ է Ադրբեջանի և Նախիջևանի հետ մեր ռազմական համագործակցությունը»,- ասված է թուրքական ԱԳՆ-ի հաղորդագրությունում:
Ի դեպ` Թուրքիայի արտգործնախարարության պաշտոնական կայքում այս տեղեկությունը չի հաստատվում: Թուրքիայի արտաքին քաղաքական գերատեսչության հաղորդագրությունում բնավ չի հիշատակվում Հայաստան բառը և չի նշվում, որ Հայաստանի Հանրապետությունը սպառնալիք է ներկայացնում Նախիջևանի Ինքնավար Հանրապետության անվտանգությանը: Պաշտոնական տեղեկատվությամբ չի հաստատվում նաև Նախիջանի հետ Թուրքիայի ռազմական համագործակցության մասին «Սամանյոլու»-ի տարածած տեղեկությունը:
Wednesday, April 28, 2010
Subscribe to:
Post Comments (Atom)
Tehran Time
Yerevan Time
No comments:
Post a Comment