Թուրք պատանին իրեն մերժած աղջկա վրա բենզին է լցրել եւ այրել

News.am. 5-5-2010- 19 ամյա թուրք Օսման Քարաքուշը իր հետ ընկերություն անելու առաջարկը մերժած 16 ամյա աղջկա վրա հենց փողոցում բենզին է լցրել եւ վառել: Թուրքիայի Չորում քաղաքի բնակիչ 19 ամյա Օսմանը մերժվելով իր հավանած աղջկա կողմից նախապես իր հետ բերած շշով բենզինը հենց փողոցում լցնում է 16 ամյա աղջկա վրա եւ արագ կրակի է տալիս: Անցորդներին մի կերպ հաջողվում է փողոցի մեջտեղում այրվող աղջկան օգնություն ցույց տալ, ում արագ տեղափոխում են հիվանդանոց: Ոստիկանության կողմից արագ ձերբակալված Օսմանը նախնական ցուցմունքում նշել է, որ աղջկան ընկերություն անելու առաջարկություն է արել, իսկ վերջին մերժել է` ասելով, որ նման սխալ չի անի: "Ես նախօրոք շշով բենզին էի հետս վերցրել եւ երբ նման պատասխան ստացա, շատ զայրացա եւ բենզինը նրա վրա լցնելով կրակի տվեցի: Սակայն արարքիս համար փոշմանել եմ>- նշել է 19 ամյա Օսման Քարաքուշը: