Չինաստանի կոմունիստական կուսակցությունը 78 մլն անդամ ունի

Tert.am. 28-6-2010- Չինաստանի կոմունիստական կուսակցության շարքերը մեկ տարում կամալրվել են 2 մլն մարդով։ Այսպիսով, կուսակցականների թիվը հասել է 78 մլն-ի։ Այս մասին հայտնում է «ՌԻԱ Նովոստին»։ Այսպիսով, երկրի 1,3-միլիարդանոց բնակչության համարյա 6 տոկոսը աշխարհի ամենաբազմանդամ կուսակցության անդամ է։ Ընդ որում, անցյալ տարի կուսակցությանն անդամագրվելու դիմում է ներկայացրել 20 մլն չինացի, սակայն նրանցից ընդամենը 2 մլն-ին է բախտ վիճակվել ընդունվել կուսակցության շարքերը։ Կոմկուսին անդամագրվելու համար հարկավոր է ոչ միայն երաշխավորագիր և անբիծ կենսագրություն, այլև բավական մեծ համբերություն։ Ըստ կուսակցական վիճակագրության՝ Չինաստանում կուսակցական կոմունիստների գրեթե մեկ քառորդը 35 տարեկանից փոքր է։