Երկրագնդի ամեն երկրորդ բնակիչը կդիտի աշխարհի առաջնությունը

Tert.am. 11-6-2010- Երկրագնդի բնակիչների 51%-ը հետևելու է աշխարհի առաջնությանը: Նման եզրակացության է եկել Nielsen ընկերությունը, որը հարցում է անցկացրել 55 երկրներում: Հարցմանը մասնակցել է 27000 մարդ: Ֆուտբոլային ակտիվության ամենամեծ ցուցանիշը գրանցվել է Բրազիլիայում: ՀԱՀ-ում մեկնարկելիք աշխարհի առաջնությունը դիտելու են բրազիլացիների 84%-ը: Բրազիլիային հաջորդում են Արգենտինան (83%), Հարավային Կորեան (76%), Իտալիան և Պորտուգալիան (երկու երկրներում էլ ` 75%) և Զամբիան (69%): Ի դեպ, ֆուտբոլասերների 21%-ը աշխարհի առաջնությանը հետևելու է բջջային հեռախոսների միջոցով: Այս մասին հաղորդում է Reuters-ը: