Ալիևի արկածները Դուբայում. ժողովուրդն այդպես էլ պատասխան չստացավ

Panorama.am. 14-7-2010- Ադրբեջանի «Մուսավաթ» կուսակցության ընտրական դեպարտամենտի ղեկավար Գյուլագա Ասլանլին կրկին դիմել է Կենտրոնական ընտրական հանձնաժողովի նախագահ Մազաիր Պանախովին՝ խնդրելով տրամադրել Իլհամ Ալիևի` 1995 թվականից մինչ այժմ ունեցած եկամուտների վերաբերյալ փաստաթղթերը: Այս մասին տեղեկացնում է «Թուրան» լրատվական գործակալությունը: Սույն թվականի ապրիլին, այդ նույն խնդրանքով, Ասլանլին արդեն դիմել էր Կենտրոնական ընտրական հանձնաժողովի նախագահին, սակայն պատասխան այդպես էլ չի ստացվել: Նշենք, որ սույն թվականի մարտի 5-ին, ամերկյան «Washington Post» պարբերականում Ադրբեջանին վերաբերող հոդված էր տպագրվել, որում նշվում էր, թե Դուբայում, Ալիևի 3 երեխաների անունով գրանցված 9 առանձնատուն կա, որոնց ընդհանուր արժեքը 75 միլիոն դոլարի է հասնում: Հասարակությունն ու ԶԼՄ-ը բավականին երկար ժամանակ բացատրություն էին պահանջում իշխանություններից, սակայն հստակ տեղեկություն այն մասին, թե ինչ գումարներով է Ալիևը առանձնատներ գնել Դուբայում, այդպես էլ չի տրամադրվել: