ՍԻՐԵԼԻ ՇՐՋԱՆԱՎԱՐՏ,
Հայաստանի Հանրապետության սփյուռքի նախարարությունը նախաձեռնել է 2010 թվականի սեպտեմբերի 20-22-ին Երևանում անցկացնել Հայաստանի բարձրագույն ուսումնական հաստատությունների սփյուռքահայ շրջանավարտների հավաք:
Հավաքի նպատակն է քննարկել ՀՀ բուհերի սփյուռքահայ շրջանավարտների դերը Հայաստան-Սփյուռք գործակցության զարգացման գործում, ստեղծել Սփյուռքահայ շրջանավարտների համահայկական ընկերակցություն:
Նախատեսվում են հավաքի մասնակիցների այցելություններ ՀՀ բուհեր, որտեղ կկազմակերպվեն հանդիպումներ, դասախոսություններ, սեմինարներ:
Դիմելով հայաստանյան բուհերի բոլոր սփյուռքահայ շրջանավարտներին` հրավիրում ենք մասնակցել նշված հավաքին, ինչպես նաև ակնկալում սեղմ ժամկետում ստանալ հավաքի կազմակերպման և քննարկվելիք հարցերի վերաբերյալ առաջարկություններ:
Հավաքի մասին լրացուցիչ տեղեկություններ կարող եք ստանալ ՀՀ սփյուռքի նախարարության պաշտոնական կայք-էջում` www.mindiaspora.am:
Հավաքին մասնակցելու` Ձեր դիմումը խնդրում ենք ուղարկել ՀՀ սփյուռքի նախարարություն` Հայաստանի Հանրապետություն, ք. Երևան, Վազգեն Սարգսյանի 26/1, 5-րդ հարկ կամ հետևյալ էլեկտրոնային հասցեներով` hmekv@mindiaspora.am, hay_shrjanavart@mail.ru, arm.shrjanavart@gmail.com:
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՍՓՅՈՒՌՔԻ ՆԱԽԱՐԱՐՈՒԹՅՈՒՆ
Sunday, August 29, 2010
Subscribe to:
Post Comments (Atom)
No comments:
Post a Comment