Հ. Հովհաննիսյան. «Հայաստանի ներքաղաքական կյանքը պայմանավորված չէ ԼՂ հարցով»

«Ժամանակ»-ի զրուցակիցն է Հայաստանի քաղաքագետների միության նախագահ Հմայակ Հովհաննիսյանը: Անդրադառնալով Լևոն Տեր-Պետրոսյանի այն հայտարարությանը, թե առանց ԼՂ և հայ-թուրքական խնդիրների կարգավորման Հայաստանը տնտեսական և ժողովրդագրական վիճակի բարելավման հեռանկար չունի` Հ. Հովհաննիսյանն ասել է. «Իմ կարծիքով` ներքաղաքական խնդիրների լուծումը չի կարելի կապել ԼՂ խնդրի հետ: Այսօր փորձել ներքաղաքական կյանքում հրաժարվել կոռուպցիայի, անարդարությունների դեմ պայքարի, սոցիալական հարցերի արդարացի լուծման հեռանկարների շեշտադրմամբ համապատասխան քայլերից` ասելով, թե կա Ղարաբաղի հարց, և մենք պետք է ձեռնպահ մնանք ակտիվ գործողություններից, ես սխալ եմ համարում: Օրինակ` Իսրայելում, որը մշտապես արտակարգ դրության մեջ է ապրում, լիարժեք դեմոկրատական, ներազգային կյանք է ընթանում: Ես չեմ հասկանում, թե ինչու մեզանում քաղաքական ուժերը, այդ թվում նաև ՀԱԿ-ը իրենց գործողությունները պայմանավորում են ԼՂ հարցով»: