Թուրքիայում սողանքների հետևանքով կան զոհեր

«Aysor.am», 30.08.10: Թուրքիայի հյուսիսում սողանքների հետևանքով առնվազն 12 մարդ է զոհվել, կան նաև անհայտ կորածներ: Ինչպես հաղորդում է Բի-Բի-Սի-ն, վկայակոչելով թուրքական իշխանությունների հայտարարությանը, Գյունդոգդու քաղաքում իրենց տներից տարհանվել են տասնյակ մարդիկ: Սողանքների պատճառ են դարձել թուրքական Ռիզե նահանգում տեղացած հորդառատ անձրևները: Համաձայն ականատեսների` հողի տակ տներ և ավտոմեքենաներ են անցել: Թուրքիայի սևծովյան ափում մի շարք ճանապարհներ են փակվել: Ըստ աղբյուրի` փրկարարներին հաջողվել է փլատակների տակից հանել 7 մարդու: