Սերժ Սարգսյանն այցելել է Արցախ

«Tert.am», 30.08.10: Օգոստոսի 28-ին աշխատանքային այցով Արցախ է ժամանել ՀՀ նախագահը։ Օգոստոսի 29-ին Արցախի Հանրապետության նախագահ Բակո Սահակյանը եւ Հայաստանի Հանրապետության նախագահ Սերժ Սարգսյանը այցելել են Ստեփանակերտում գործող մի շարք կրթամշակութային հաստատություններ: Նախագահները ծանոթացել են թիվ 11 ավագ դպրոցի նորակառույց մասնաշենքին և Մանկապատանեկան ստեղծագործության կենտրոնի աշխատանքին: Նախագահներին ուղեկցում էին Արցախի Հանրապետության կրթության և գիտության նախարար Վլադիկ Խաչատրյանը, «Հայաստան» համահայկական հիմնադրամի գործադիր տնօրեն Արա Վարդանյանը, պաշտոնատար այլ անձինք: Այս մասին տեղեկացնում է Արցախի Հանրապետության նախագահի աշխատակազմի տեղեկատվության գլխավոր վարչությունը։